பொருளாதாரத்தை மீட்டெடுப்பதற்கான நீண்ட காத்திருப்பு

2020-2021 பட்ஜெட் நீண்ட உரைகளைக் கொண்டிருந்தாலும், தேவையை உத்வேகப்படுத்துவதிலோ அல்லது வாங்கும் சக்தியை அதிகரிப்பதிலோ குறைவாகவே உள்ளது.

The translations of EPW Editorials have been made possible by a generous grant from the H T Parekh Foundation, Mumbai. The translations of English-language Editorials into other languages spoken in India is an attempt to engage with a wider, more diverse audience. In case of any discrepancy in the translation, the English-language original will prevail.

 

நுகர்வு மற்றும் முதலீடு குறைந்து வருதல், மொத்த உள்நாட்டு உற்பத்தி கணிசமாக குறைந்துள்ளதால் பட்ஜெட் குறித்து நிறைய எதிர்பார்ப்புகள் இருந்தன. பொருளாதாரத்தில் முதலீட்டு சூழலையும் வளர்ச்சியையும் புதுப்பிக்க புதிய உத்வேகத்தை முடுக்கிவிடக்கூடிய அளவிற்கு தீர்க்கமான நடவடிக்கைகள் எடுக்கப்படும் என்று எதிர்பார்க்கப்பட்டது. விலைவாசி உயர்வு அதிகரித்துக் கொண்டிருக்கிறது. கடந்த ஆண்டு ஜனவரி மாதத்திலிருந்து ரெபோ விகிதம் 135 அடிப்படை புள்ளிகள் குறைந்ததிலிருந்து பணக்கொள்கையின் மீது நடவடிக்கை எடுக்கப்படும் என்பது குறித்து எந்த நம்பிக்கையும் இல்லை. நிதிக் கொள்கை மீது நடவடிக்கைகள் எடுக்க வேண்டும் என்று முக்கிய முடிவெடுக்கும் உரிமை அரசின் கையில் ஒப்படைக்கப்பட்டுள்ளது. கட்டமைப்பு சீர்திருத்தங்களை முன்மொழிந்து பொருளாதாரத்தை முடுக்கிவிடுவதற்கு மாபெரும் சந்தர்ப்பத்தை பட்ஜெட்  அளித்தது. “உண்மையான நுகர்வின் வளர்ச்சியில் கடும் வீழ்ச்சி ஏற்பட்டு,  நிலையான முதலீட்டிலும் கணிசமாக வீழ்ச்சி ஏற்பட்டுள்ளது. இதனால் மொத்த உள்நாட்டு உற்பத்தியின் வளர்ச்சியானது 2018-19ஆம் ஆண்டு ஹெச் 2ஆக இருந்தது 2019-20ஆம் ஆண்டு ஹெச் 1ஆக    குறைந்துள்ளது” என்றும் “தனக்கு கிடைத்த மாபெரும் வாக்கு வங்கியை அரசு சரியாகப் பயன்படுத்தி, சீர்திருத்தங்களை மிகவிரைவாக செயல்படுத்தவேண்டும், இதனால்தான்  2020-2021ல் பொருளாதாரம் வலுவாக மீட்டெடுக்கப்படும்”  என்று பொருளாதார ஆய்வறிக்கை  உறுதியாக கூறிய பிறகு இந்த நம்பிக்கை தூண்டிவிடப்பட்டது.

ஆனால் துரதிருஷ்டவசமாக, நிதி அமைச்சரின் பட்ஜெட் உரை, சிக்கல் உள்ளது என்பதையே ஒப்புக்கொள்ளவில்லை. “பொருளாதாரத்தின் அடிப்படைகள் மிகவும் வலுவாக உள்ளதால் பேரினவாத பொருளாதார நிலைத்தன்மை உறுதிசெய்ப்பட்டுள்ளது” என்றும் பட்ஜெட் கூறியுள்ளது.  இப்படி ஒரு பிரச்சினை இருப்பதையே மறுத்துள்ளதால், இதற்கு தீர்வு கண்டுபிடிப்பது கடினம். நீண்ட உரை ஆற்றினாலும், சாமான்ய மனிதனின் சந்தையை ஊக்கப்படுத்துவதற்கு போதுமான நடவடிக்கைகள் அறிவிக்கப்படவில்லை. விவசாயிகளின் வருமானத்தை இரட்டிப்பாக்குவது, 5 டிரில்லியன் டாலர் பொருளாதாரத்தை நோக்கி கிடுகிடுவென வளர்வது என்ற மாபெரும் இலக்குகள் திரும்ப திரும்ப சொல்லப்பட்டாலும், ஏற்றுமதிகளை அதிகரித்தல், நுகர்வை அதிகப்படுத்துதல், முதலீட்டு சூழ்நிலையை புதுப்பித்தல் போன்ற நடவக்கைகளுக்கான எந்தக் கொள்கை முயற்சிகளும் இல்லை. விவசாய உற்பத்தி சந்தைக் குழு சட்டத்தை சீர்திருத்துதல், நிலத்தை குத்தகைக்கு விடுதல், ஒப்பந்த விவசாயம் போன்ற கொள்கைகளை சீரமைக்கும் பொறுப்பு மாநிலங்களிடம் விடப்பட்டுள்ளது. மானிய அமைப்பை புதுப்பிப்பதற்கோ, பண்ணைக் கட்டமைப்பு, பாசனம், பெட்டக சந்தை, பதப்படுத்துதல் ஆகியவற்றில் முதலீட்டை அதிகரிப்பதற்கோ ஒன்றுமே செய்யப்படவில்லை. பட்ஜெட் உரையில் விவசாயம் குறித்து 16  செயல் திட்டங்கள் இருந்தாலும், பாசனம் மற்றும் ஊரக வளர்ச்சிக்கான பட்ஜெட் ஒதுக்கீடு 2.83 இலட்சம் கோடி அதிகரிக்கப்பட்டுள்ளது. ஆனால் இந்த மதிப்பு சென்ற ஆண்டு பட்ஜெட் மதிப்பீட்டிலிருந்து வெறும் 2.5%  மற்றும் திருத்தப்பட்ட மதிப்பீட்டிலிருந்து வெறும் 13.2% மட்டுமே அதிகரிக்கப்பட்டுள்ளது.

5 டிரில்லியன் டாலர் பொருளாதாரத்திற்கு உயர்ந்து செல்ல அடுத்த ஐந்து ஆண்டுகளில் 103 டிரில்லியன்கள் முதலீடு செய்யப்படும் என்று நிதி அமைச்சர் அறிவித்துள்ளார். இந்த முதலீட்டில் பெரும்பான்மையை தனியார் துறையினர்தான் செய்ய வேண்டும். எனவே மூலதன செலவில் கணிசமாக உயர்த்துவதற்கான எண்ணம் உள்ளது  என்பதை அரசு தெளிவாக விளக்க வேண்டும். சிறந்த கட்டமைப்பு, மாபெரும் நம்பிக்கை, ஒப்பந்தங்களை நிறைவேற்றுதல், இதமான சூழல் ஆகியவற்றின் மூலம்தான் தனியார் முதலீட்டிற்கு உத்வேகம் கிடைக்கும். சரியான கட்டமைப்பிற்கு அரசு மூலதன செலவுகளை கணிசமாக உயர்த்த வேண்டும். ஆனால் எதார்த்தநிலை என்னவென்றால், இந்த ஆண்டில் மூலதன செலவிற்கான பட்ஜெட் ஒதுக்கீடுகள் மொத்த உள்நாட்டு உற்பத்தியில் 1.8% உயர்வதாக மதிப்பிடப்பட்டுள்ளது. கடந்த காலத்திலிருந்து இதில் எந்த மாற்றமும் இல்லை. அதைப்போலவே, போக்குவரத்துக் கட்டமைப்புக்கான ஒதுக்கீடு 1.7 இலட்சம் கோடி ரூபாயாக ஒதுக்கீடு செய்யப்பட்டுள்ளது. இது 2019-20ஆம் ஆண்டுக்கான திருத்தப்பட்ட மதிப்பீட்டிலிருந்து வெறும் 7.6% ஆகும். குறிப்பிட்ட கட்டமைப்புள்ள நிதி நிறுவனங்களில் 20 ஆயிரம் கோடி ரூபாய் ஈக்விட்டிகளை ஒதுக்குவதன் மூலம் கட்டமைப்புக்கான முதலீட்டு ஆதரவை  முடுக்கிவிடலாம்  என்ற நம்பிக்கை இருந்தாலும், இது நிறைவேறுவது எளிதல்ல.

2019-20க்கான பட்ஜெட் மதிப்பீட்டில் இலக்கு வைக்கப்பட்ட நிதி பற்றாக்குறை எதிர்பார்க்கப்பட்ட அளவில் நழுவுகிறது. வருவாயில் கணிசமான பற்றாக்குறையால் இது நிலவுகிறது. இதற்கு மூன்று காரணங்கள் உள்ளன. பட்ஜெட்டில் ஊகிக்கப்பட்ட மொத்த உள்நாட்டு உற்பத்தி 12%-ஐ விட மிகவும் குறைவாக உண்மையான வளர்ச்சி 7.5%ஆக உள்ளது. இரண்டாவதாக, வரி வருவாயின் வளர்ச்சி 18.3%ஆக கணக்கிடப்பட்டது அளவுக்கதிகமான கணக்கீடாகும். முந்தைய ஆண்டின் உண்மையான வளர்ச்சியுடன் ஒப்பிடுகையில் இது முற்றிலும் எதார்த்தத்திற்குப் புறம்பாக உள்ளது. இறுதியாக பொதுத்துறை நிறுவனங்களை தனியார்மயப்படுத்துவதற்கான இலக்கு 1.03இலட்சம்  கோடியாக நிர்ணயிக்கப்பட்டுள்ளது. இதனை அடைவது சாத்தியமல்ல. நிதிப் பொறுப்பு மற்றும் பட்ஜெட் மேலாண்மை சட்டத்தில் (எஃப்ஆர்பிஎம்) உள்ள தப்பிக்கும் பிரிவை பயன்படுத்தி அரசு நிதி பற்றாக்குறை- ஜிடிபி விகிதத்தில் 0.5% அளவிற்கு குறைத்து காட்டப்பட்டுள்ளது. இதனால் தற்போதைய ஆண்டின் ஜிடிபி 3.8%ஆகவும் அடுத்த ஆண்டின் ஜிடிபி 3.5%ஆகவும் காட்டப்பட்டுள்ளது. அடுத்த ஆண்டில் உண்மையான  இலக்கை நோக்கி திரும்புவது அவசியம் என்று எஃப்ஆர்பிஎம் சட்டம் கூறுகிறது. ஆனால் இது கடைப்பிடிக்கப்படவில்லை. பட்ஜெட்டிற்கு வெளியேயான கடன்கள் மொத்த உள்நாட்டு உற்பத்தியில் 0.8%ஆக கணக்கிடப்பட்டாலும் உண்மையான பற்றாக்குறைக்கான எதார்த்தம் இதைவிட அதிகமாக உள்ளது. செலுத்தப்படாத கணக்குகள் எவ்வளவு என்று தெரியவில்லை. இந்த எண்களுடன் அரசு ஒத்துப்போகுமா என்பது சந்தேகமே. இந்த ஆண்டுக்கான பொதுத்துறை நிறுவனங்களை விற்றல் இதுவரை வெறும் 18 ஆயிரம் கோடி ரூபாயை மட்டுமே தந்துள்ளது. அடுத்த ஆண்டுக்கான அசல் மொத்த உள்நாட்டு உற்பத்தி வளர்ச்சி 10%ஆக எடுத்துக்கொள்ளப்பட்டது. வரி சேகரிப்பில் உள்ள சமநிலை 1.2ஆக கணிக்கப்பட்டுள்ளது. இது எதார்த்தத்திற்கு ஒவ்வாததாக உள்ளது. குறைவான நிதிப் பற்றாக்குறையைக் காண்பிக்கவேண்டும் என்ற நிதிக்குழுவின் பரிந்துரையை ஏற்றுக்கொண்டாலும், உண்மையில் அரசு நிதிக்குழுவின் மானியத்திற்கு கூட பட்ஜெட்டில் நிதி ஒதுக்கவில்லை. அவை மாநிலங்களுக்கு முழுமையாக வழங்கப்படவேண்டியவை.

வரி சீர்திருத்தங்களைப் பொறுத்தவரை, தனிநபர் வருமான வரிவிகிதத்தை சற்று குறைத்துள்ளது வெறும் மேனாமினுக்கி சீர்திருத்தம்தான். இதில் உள்ள சலுகைகளையும் தள்ளுபடிகளையும் பயன்படுத்தவில்லை என்றால்தான் குறைவான விகிதங்களை பயன்படுத்த முடியும். இது உண்மையில் என்ன செய்துள்ளதென்றால், வரி அளவீடுகளின் எண்ணிக்கையை ஆறாக உயர்த்தி, இந்த அமைப்பை மிகவும் சிக்கலாக்கி உள்ளது. இதற்குப் பதிலாக, அரசு வரிச் சலுகைகளை பல்வேறு கட்டங்களாக தள்ளி வைத்திருக்கலாம், பணவீக்கத்தின் அளவீடுகளை குறியீட்டாக வெளிப்படுத்தியிருக்கலாம், இந்த அளவீடுகளுக்கு சரியான அணுசரணைகள் செய்து வரி விகிதத்தை குறைத்திருக்கலாம்.  “இந்தியாவிலேயே தயாரிப்போம்” என்ற கோஷத்துடன் ஒத்துப்போகும்படி சுங்க வரிகள் உயர்த்தப்பட்டுள்ளன. இறக்குமதிக்கு மாற்றுக்களை வழங்கும் காலத்தில் நாம் இருக்கிறோமா?

துரதிருஷ்டவசமாக, மத்திய அரசு மோசமாக பட்ஜெட் வழங்கியதால் மாநிலங்களின் பட்ஜெட் மேலாண்மையும் பாதிக்கப்பட்டுள்ளது. முதலாவதாக, வரி பகிர்மானம் மூலமாக  மத்திய அரசு வழங்கும் வருவாய் பட்ஜெட் மதிப்பீடுகளில் 1.5 இலட்சம் கோடி ரூபாய் வரை பற்றாக்குறையைக் காட்டுகிறது. மத்திய அரசிடமிருந்து பரிமாற்றம் செய்யப்படும் பட்ஜெட் மதிப்பீடுகளின் அடிப்படையில்தான் மாநிலங்கள் பட்ஜெட்டுகளைத் தயாரிக்கின்றன. இந்த அளவிற்கு பெரிய அளவிலான குறைப்பு நடவடிக்கையினால் மாநில அளவில் செலவுகளை குறைக்க வேண்டியுள்ளது. இதனால் மூலதனம் மற்றும் பராமரிப்பு செலவுகளில் பாதிப்பு ஏற்படும். இரண்டாவதாக வருவாய் குறைந்துள்ளதால், மத்திய அரசு ஒதுக்கீடுகளைக் குறைக்கும்.  மாநிலங்களில் நிறைவேற்றப்படும் பல்வேறு மத்திய அரசின் திட்டங்களுக்கும் இது பொருந்தும். இந்த திட்டமிடப்படாத வெட்டு, மாநிலங்களின் செலவினங்களில் உள்ள உற்பத்தியின் மீது அதிகப்படியான எதிர்மறைத் தாக்கத்தை ஏற்படுத்தும். இந்த பட்ஜெட்டிலிருந்து நிறைய எதிர்பார்க்கப்பட்டது. துரதிருஷ்டவசமாக, முதலீட்டு சூழ்நிலையை புதுப்பிக்கவும், வளர்ச்சிக்காகவும் உள்ள காத்திருப்பானது இன்னும் நீண்டுகொண்டே செல்கிறது.

Comments

(-) Hide

EPW looks forward to your comments. Please note that comments are moderated as per our comments policy. They may take some time to appear. A comment, if suitable, may be selected for publication in the Letters pages of EPW.

Biden’s policy of the “return to the normal” would be inadequate to decisively defeat Trumpism.