ISSN (Print) - 0012-9976 | ISSN (Online) - 2349-8846

அவமதிப்பு அரசியல்

2019 தேர்தலின் மீதான தங்களது பிடியையும், நாவடக்கத்தையும் பாரதீய ஜனதா கட்சியின் (பாஜக) உறுப்பினர்கள் இழந்துகொண்டிருக்கிறார்கள்.

 

The translations of EPW Editorials have been made possible by a generous grant from the H T Parekh Foundation, Mumbai. The translations of English-language Editorials into other languages spoken in India is an attempt to engage with a wider, more diverse audience. In case of any discrepancy in the translation, the English-language original will prevail.

 

பகுஜன் சமாஜ் கட்சியின் தலைவருக்கு எதிராக பாஜக சட்டமன்ற உறுப்பினர் வெளிப்படுத்திய ஆவேச வார்த்தைத் தாக்குதலானது இது வரை அரசியலில் செய்யப்பட்ட அவமதிப்பான தாக்குதல்கள் அனைத்தையும் மீறிவிட்டது. இந்த பெண் சட்டமன்ற உறுப்பினர் பயன்படுத்திய ஆபாச மொழியானது அசாதாரணமான அளவிற்கு அநாகரீகமானது. இது ஒருவரை- ஒரு பெண்ணை, ஓர் ஆணை, மற்றும் மூன்றாம் பாலினத்தவரை- மனிதகுலத்தின் அங்கீகரிக்கப்பட்ட எல்லைக்கு வெளியே தள்ள முயற்சிக்கிறது. அந்த சட்டமன்ற உறுப்பினரும் அவரது கட்சியினரும் இதற்கு வருத்தம் தெரிவித்தனர், மன்னிப்பு கோரினர். ஆனால் இதை அவர்கள் ஒரு சம்பிரதாயத்திற்காக செய்தார்களேயன்றி உண்மையாகவே வருந்தியதால் அல்ல. ஆனால் அற தாக்குதல் நிகழ்த்தும் ஒருவரின் இத்தகைய திட்டமிடப்பட்ட சமிக்ஞைகள் சுயமரியாதை கொண்ட எந்தவொருவருக்கும், பகுஜன் சமாஜ் கட்சித் தலைவர் உட்பட, ஏற்படுத்திய பாதிப்பை சரிசெய்யப் போதுமானதல்ல. பொது வெளியில் பயன்படுத்தப்படும் தரக்குறைவான மனதை புண்படுத்தும் வார்த்தைகள் நீண்ட கால தாக்கத்தை ஏற்படுத்துகின்றன. அந்த வார்த்தைகள் சொல்லப்பட்டு நீண்ட காலமான பின்னரும், இத்தகைய பேச்சானது சமூக விரோத அரட்டை மற்றும் வெட்டிப்பேச்சுக்களின் மூலம் வெகு காலத்திற்கு நீடித்திருக்கும். சாதி மற்றும் ஆணாதிக்க சிந்தனை மிகுந்த சமூகம் இத்தகைய பேச்சுக்களுக்கு உரமிடுவதே அதற்குக் காரணம். மேலும், திட்டமிடப்பட்ட கணக்கீடுகளின் அடிப்படையில் கூறப்படும் வருத்தம் மற்றும் மன்னிப்புகள் தாக்கம் எதையும் ஏற்படுத்துவதில்லை.  சாதி மற்றும் ஆணாதிக்க சிந்தையில் ஆழமாக வேரூன்றியிருக்கும் இந்த வெறுப்புணர்வை இந்த வருத்தமும் மன்னிப்புகளும் முற்றிலுமாக அகற்றுவதில்லை. நாம் இங்கு எழுப்ப வேண்டிய கேள்விகள் இவைதான்: ஒரு குறிப்பிட்ட நபருக்கு எதிராக ஏன் இந்த வெறுப்பு? இந்த வெறுப்பின் தன்மை என்ன? இத்தகைய வெறுப்பை கொண்டிருப்பவர் மீது அந்த வெறுப்பு ஏற்படுத்தும் அற விளைவு என்ன?

 ஆவேச வார்த்தை தாக்குதல்கள் மூலம் வெளிப்படும் இந்த வெறுப்பை நாம் பகுஜன் சமாஜ் கட்சி மற்றும் சமாஜ்வாதி கட்சியின் தேர்தல் கூட்டணி ஏற்படுத்தியிருக்கும் சவாலின் பின்னணியில் பார்க்க வேண்டும். இந்தக் கூட்டணியை அசைக்க முடியாத ஒன்றாக பாஜக உறுப்பினர்கள் பார்த்தனர். முரண்நகைக்குரிய வகையில் இந்த ஆபாச பேச்சு பகுஜன் சமாஜ்-சமாஜ்வாதி கூட்டணி ஏற்படுத்தியிருக்கும் சவாலுக்கான அங்கீகாரம். இத்தகைய தாக்குதலுக்கு பகுஜன் சமாஜ் கட்சியின் தலைவரை தெரிவு செய்திருப்பது எதிக்கட்சிகள் பற்றிய பாஜகவின் அச்சத்தை இன்னும் அதிகமாக உறுதிசெய்கிறது. எதிர்க்கட்சிகளின் தலைவர்களில் பகுஜன் சமாஜ் கட்சியின் தலைவர்தான் இத்தகைய மனம் புண்படும் வகையிலான பேச்சுக்கு அதிகம் ஆளாகிறார். அவருக்கு ஏன்  இந்த இந்த “சிறப்பான கவனிப்பு” என்பதை இரண்டு அம்சங்கள் விளக்குகின்றன. ஒன்று, இவ்வாறு பேசிய அந்த பாஜக சட்டமன்ற உறுப்பினர் தனது இலக்காக தெரிவு செய்தது ஆளும் கட்சி தந்த நெருக்கடிக்கும் பணியாது கூட்டணியை உறுதி செய்தவரை.  இரண்டு, இத்தகைய சவாலை உருவாக்கியது கீழ்நிலையிலுள்ள சாதியைச் சேர்ந்த ஒருவர், அதிலும் ஒரு பெண் என்பது அந்த பாஜக சட்டமன்ற உறுப்பினரால் பொறுத்துக்கொள்ள முடியவில்லை. இவரைப் பற்றிய அச்சமே அந்த சட்டமன்ற உறுப்பினரின் ஆபாசப் பேச்சின் மையம்.

பெண்களை அற ரீதியாக இழிவுபடுத்த மனதை புண்படுத்தும் மொழியில் பேசுவது என்பது ஆண்களின் சலுகையும் தனியுரிமையும் ஆகும். ஆனால் அதே மொழியை ஒரு பெண் மற்றொரு பெண்ணுக்கு எதிராக பயன்படுத்துவது என்பது இத்தகைய வெறுப்பின் மூலமானது வெறும் ஆணாதிக்கத்தில் மட்டுமல்ல அடிப்படையில் அது சாதியில் இருக்கிறது என்பதை நம்மை பார்க்க வைக்கிறது. ஆண்மையின் இந்த தலைகீழாக்கம், குறிப்பாக இந்த விஷயத்தில் சம்பந்தப்பட்டவரின் பாலினத்தின் காரணமாக அல்ல மாறாக சாதி ஆதிக்கம் செலுத்துவதன் காரணமாக அல்லது அரசியல் வெறுப்பை வெளிப்படுத்துவதை நிர்ணயிப்பது சாதியாக இருப்பதால். இந்த பெண் சட்டமன்ற உறுப்பினரின் ஆவேசம் நம்மை வேறொரு பெரிய கேள்விக்கு இட்டுச்செல்கிறது. ஒரு பெண் ஆணாதிக்க மொழியை மறு உற்பத்தி செய்வது என்பது அவர் தனது சொந்த உண்மையில் கூட விருப்பம் கொண்டிருக்கவில்லை என்பது ஆண்மை மொழிக்கு பலியானவர்களுள் அவரும் ஒருவர் என்பதைக் காட்டுகிறது. இத்தகைய மொழிக்கு கிடைக்கும் பொதுமக்கள் அங்கீகாரம் அவரை குழப்புகிறது, அவரே ஆணாதிக்கத்திற்கு கீழ்பட்டிருக்கும் உண்மையைக் காண்பதிலிருந்து தடுக்கிறது. அதுவே அவரது இக்கட்டு. இத்தகைய ஒரு மொழியை பயன்படுத்த கட்டாயப்படுத்தும் ஒருவரது கட்சியரசியலானது அத்தகைய மொழியை பேசுவதன் மூலம் ஆண்கள், பெண்கள் மற்றும் மூன்றாம் பாலினத்தவர்கள் சமமான கண்ணியத்திற்கு உரிமை உடையவர்கள் என்பதை தான் மறுக்கிறோம் என்பதை அவர் உணர்வதையே தடுத்துவிடுகிறது.

 இப்போது உத்திர பிரதேசத்திலும், தேசிய அளவிலும் நடக்கும் அரசியல் உருவாக்கத்தை அரசியல் முகவர்கள் விமர்சிக்க வேண்டும் என்பது விரும்பத்தகுந்தது. இந்த விமர்சனங்கள் பல்வேறு சமூகக் குழுக்கள் மற்றும் எதிர்க்கட்சிகள் ஆகியவற்றின் அரசியல் இருப்பை பரஸ்பரம் மதிக்க்கும் வகையில் மக்களாட்சியின் மாண்பிற்கு உட்பட்டு இருக்கவேண்டும். பரஸ்பர மரியாதைக்கான அற ஆற்றல் நீடித்திருக்கும் அளவிற்கு அந்த விமர்சனத்தின் வாதங்களில் குறைந்தபட்ச நெறிசார்ந்த ஆற்றல் இருக்கவேண்டும். ஏற்கனவே உள்ள தரநிர்ணயத்தின்படி வாதப்பிரதிவாதத்தில் சில பலவீனமானவையாக, சில வலுவானவையாக இருந்தபோதிலும் வாதப்பிரதிவாதங்களுக்கு ஓரளவு இடமிருக்கும். இல்லாவிடில் அந்த இடத்தை ஆபாசப் பேச்சு பிடித்துக்கொள்ளும். சரியான வாதத்திற்கான அடிப்படையை பாழடிக்கும் ஒருவரது முற்சார்பு கருத்துக்களிலிருந்து வெளிவருவதற்கான வாய்ப்பையும் மற்றும் வாதப்பிரதிவாதத்திற்கான பரந்த வெளியையும் வழங்குவது மக்களாட்சி. மக்களாட்சியின் சாரமான அம்சங்களான நாகரீகம், பரஸ்பர மரியாதை மற்றும் கண்ணியத்தால் நெய்யப்பட்டிருக்கும் மக்களாட்சியின் கட்டுமானத்தால் வாதங்கள் பலவீனமாகவோ அல்லது போதாமை கொண்டதாகவோ இருப்பதை தாங்கிக்கொள்ள முடியும். வாதப்பிரதிவாதம் ஏதுமில்லாமல் தொடர்ந்து அரசாங்கத்தை கைப்பற்றும் அரசியல் லட்சியம் தவிர்க்கவியலாது ஆபாச மொழிக்கு இட்டுச்செல்கிறது. துடிப்பான மக்களாட்சியின் ஓர் அங்கமாக நாம் இருப்பது, அந்த மக்களாட்சியின் கண்ணியமான வாழ்விற்காகவேனும், அரசியலில் வாதப்பிரதிவாத கலாச்சாரத்திற்கு ஓர் வாய்ப்பளிப்பதை மிக முக்கியமான விஷயமாக்கவில்லையா?

Comments

(-) Hide

EPW looks forward to your comments. Please note that comments are moderated as per our comments policy. They may take some time to appear. A comment, if suitable, may be selected for publication in the Letters pages of EPW.

Back to Top