ISSN (Print) - 0012-9976 | ISSN (Online) - 2349-8846

கட்டவிழும் பொருளாதார மந்தம்

பொருளாதாரத்தை மீட்டெடுக்க விரிவாக்க உத்வேகங்கள் காலத்தின் கட்டாயம்

 

தற்போதைய நிதி ஆண்டின் முதல் காலாண்டில் உண்மையான மொத்த உள்நாட்டு உற்பத்தியின் (ஜிடிபி) வளர்ச்சி விகிதம் 5% ஆகக் குறைந்துள்ளது. சமீப காலங்களில் பதிவான மிகவும் குறைவான மதிப்பு இதுவாகும். நுகர்வும் முதலீட்டுத் தேவைகளும் இந்த  மந்தமான பொருளாதார சூழ்நிலைக்குப் பங்களித்துள்ளன. தனியான இறுதி நுழைவு செலவினங்கள் (Private final consumption expenditure, PFCE) தற்போதைய ஆண்டின் முதல் காலாண்டில் 3.1%ஆக  உள்ளன.  சென்ற ஆண்டு இந்த விகிதம் 7.3% ஆக இருந்தது. முன்னர் PFCE வளர்ச்சியானது 2016-17ஆம் ஆண்டின் நான்காவது காலாண்டில் 4.1%ஆக இருந்தது. இந்த காலாண்டு பணமதிப்பிழப்பு நடவடிக்கையை அடுத்து உடனே நிகழ்ந்த காலாண்டாகும். ஒட்டுமொத்த நிலையான மூலதன உருவாக்கம் (Gross Fixed capital formation, GFCF) ஒரே மாதிரியான வளர்ச்சிப் போக்கை வெளிப்படுத்தியது. இது தற்போதைய ஆண்டின்  முதல் காலாண்டில் 4%ஆக இருந்தது. ஆனால் சென்ற ஆண்டு இது 13.3%ஆகவும் 2016-17ஆம் ஆண்டின் நான்காவது காலாண்டில் 2%ஆகவும் இருந்தது.

 

பெரும்பாலான உற்பத்தித் துறைகளான விவசாயம், சுரங்கம் மற்றும் மணல் குவாரிகள் மற்றும் உற்பத்தித் துறை ஆகியவை 2019-20ஆம் ஆண்டின் முதல் காலாண்டின்போது வளர்ச்சியில் வலுவான பின்னடைவைச் சந்தித்தன. இதில் மிகவும் கவலைக்குரிய துறையாக உற்பத்தித் தறை இருந்துள்ளது. இந்தத் துறையின் ஒட்டுமொத்த மதிப்பு கூட்டல் வெறும் 0.6%ஆக மட்டும் உள்ளது.  கடந்த ஆண்டு இதே காலத்தின்போது இந்தத் துறையின் ஒட்டுமொத்த மதிப்பு கூட்டல் வளர்ச்சியானது 12.1% ஆக இருந்தது. இந்தக் காலாண்டில், முக்கிய தொழிற்சாலைகளின் தொழில் உற்பத்தி குறியீட்டின் ஆண்டுக்காண்டு வளர்ச்சி விகிதங்கள் சொற்பமாக இருந்தன அல்லது எதிர்மறை வளர்ச்சியை பெற்றுள்ளன. தொழிற்துறை சிரமப்பட்டு 0.1% வளர்ச்சியும், தோல் பொருட்கள் 0.2%, காகிதம் மற்றும் காகிதம் சார்ந்த பொருட்கள் (-)14.2%, நிலக்கரி மற்றும் சுத்திகரிக்கப்பட்ட பெட்ரோலியம் (-)2.2%, வேதியியல் பொருட்கள் 0.3%, ரப்பர் மற்றும் ப்ளாஸ்டிக் பொருட்கள் (-)4.1%, உலோகம் அல்லாத தாதுப் பொருட்கள் (-) 11%, பூசி மெழுகப்பட்ட உலோகப் பொருட்கள் (-)9.8%, மின்னியல் இயந்திரங்கள் (-)4.6%, பிற இயந்திரங்கள் மற்றும் உபகரணங்கள் (-)1.7% என்ற விகிதத்தில் வளர்ச்சி பெற்றுள்ளன. முக்கிய தொழிற்சாலைகளில் ஏற்பட்ட இத்தகைய வளர்ச்சி தேய்மானம் பொருளாதாரத்தின் சாதனையில் பாதிக்கக்கூடிய விளைவுகளை ஏற்படுத்தியுள்ளன. இடைக்காலத்திலும் இது ஊசலாடவுள்ளது.

 

தற்போது சில காலம் வரையிலும் வளர்ச்சி விகிதம் ஊசலாடுவது கண்கூடாகத் தெரிகிறது. குறிப்பாக 2016ஆம் ஆண்டு நவம்பர் மாதம் தவறாக ஆலோசனை அளிக்கப்பட்ட  பணமதிப்பிழப்பு நடவடிக்கைக்குப் பிறகும் ஒழுங்கற்று நடைமுறைப்படுத்தப்பட்டுள்ள பொருட்கள் மற்றும் சேவை வரிக்குப் பிறகும்  இவ்வாறு தெரிகிறது.  சவுதி அரேபியாவின் மிகப்பெரிய எண்ணெய் சுத்திகரிப்பு நிறுவனமான ஆரம்கோவில் வான்வெளி தாக்குதல்கள் நடத்தப்பட்டதைத் தொடர்ந்து ஒட்டுமொத்த மேற்காசியாவிலும் பதற்றம் ஏற்பட்டுள்ளது. இதனால் சர்வதேச எண்ணெய் விலையின் மேல் அழுத்தம் அதிகரிக்கப்பட்டு எண்ணெய் விலை உயரும் அபாயம் உள்ளது. இத்தகு சூழலில் கீழ்நோக்கிய பொருளாதார வளர்ச்சி மேலும் மோசமாகும்.

2017-18 ஆம் ஆண்டின் கால அட்டவணையிலான தொழிலாளர்  ஆய்வறிக்கையின் முடிவுகளிலும் பொருளாதார மந்தம் பிரதிபலித்துள்ளது. எனவே சூழ்நிலை சித்திரம் போல் தெள்ளத்தெளிவாகத் தெரிகிறது. கிராமப்புற பகுதிகளில் 5.8% ஆண்களும் 7.1% பெண்களும் வேலையில்லாமல் இருக்கிறார்கள். நகர்ப்புறத்தில் 3.8% பெண்களும் 10.8% ஆண்களும் வேலையில்லாமல் இருக்கிறார்கள். 1972-73ஆம் ஆண்டிலிருந்து 45 ஆண்டுகளாக கணக்கெடுக்கப்பட்ட தேசிய மாதிரி ஆய்வறிக்கையில்,  மிகவும் அதிகபட்ச வேலையின்மை விகிதம் தற்போதுதான் உள்ளது.

குறிப்பாக கிராமப்புறத் துறைகளில் மோசமான நிலையை நோக்கி செல்லும் வேலையின்மை, இதன் விளைவாக ஏற்படும்  தேவை நெருக்கடி, ஆகியவை உற்பத்தித் துறைகளைப் பாதிக்கும். ஆனால் மிகவும் கவலைக்குரிய விஷயம் என்னவென்றால் இவற்றின் பின்விளைவுகளே. தற்போது சில மாதங்களாக ஆட்டோமொபைல் துறையில் விற்பனை சரிந்து வளர்ச்சி குறைந்துள்ளது. மாருதி சுசுகி, அசோக் லைலேண்ட், டாட்டா மோட்டார்ஸ்  ஆகிய முக்கிய வாகன நிறுவனங்கள்  தங்களது உற்பத்தி நிறுவனங்களில் “பணியற்ற நாட்களை” அதிகரித்துள்ளன. “பணியற்ற நாட்கள்” என்றால் சம்பளம் இல்லாத விடுப்பு என்று பொருள். துணை ஒப்பந்த நடவடிக்கைகளையும் குறைத்துக் கொண்டுள்ளன. முறையான துறைகளிலேயே இத்தகைய சிக்கல்கள் ஏற்படுகிறது என்றால், முறைசார தொழில்களில் நிலைமை எப்படி இருக்கும் என்று வினவ வேண்டியதில்லை.

முன்னரே பெறப்படும்  வரி வருவாய் எவ்வளவு குறைவாக உள்ளது என்பதிலிருந்து வளர்ச்சிப்பாதையின் தீவிரம் தெளிவாகத் தெரிகிறது. தற்போதைய நிதி ஆண்டிலிருந்து செப்டம்பர் மாதம் மத்தியப் பகுதி வரை வசூலிக்கப்பட்ட முன்னரே பெறப்படும்  வரி வருவாய் 6% விகிதத்தில் வளர்ச்சி அடைந்தது. ஓராண்டுக்கு முன் இதே காலத்தில் இந்த தரவு 18%ஆக இருந்தது. 2016-17ஆம் ஆண்டு இந்த விகிதம் 14%ஆக இருந்தது. அதிலிருந்து ஒப்பிட்டால் எவ்வளவு விலகி வந்துள்ளோம் என்று தெரியும். வருமானம் ஈட்டப்படும்போது இந்த வரிகள் சேகரிக்கப்படுவதால், முறையான துறையில் வருமானம் ஈட்டுவது மிகவும் மோசமான பாதிப்பு அடைந்துள்ளது என்று தெரியும். இரண்டாவது காலாண்டும் சிறப்பாக இருக்காது என்று தோன்றுகிறது.

இந்திய ரிச்ர்வ் வங்கி ரெபோ வட்டி விகிதத்தை கணிசமாகக் குறைத்து வருகிறது. கடந்த ஆகஸ்டு மாதம் முதல் வாரத்தில் 0.35 சதவீதம் குறைக்கப்பட்டது. இந்த சலுகையை வங்கிகள் வாடிக்கையாளர்களுக்கு அளிக்கும் என்ற நம்பிக்கையில் இந்த சலுகை வழங்கப்பட்டது. அவ்வாறு செய்தால் தொழிலதிபர்கள் முதலீட்டுக்காகவும் நுகர்வோர்கள் நுகர்வுக்காகவும் கடன் வாங்கலாம், கடனுக்கான தேவை முடுக்கிவிடப்படும் என்ற நம்பிக்கையில் இந்த நடவடிக்கை எடுக்கப்பட்டது. கொள்கை ரீதியாக வட்டி விகிதம் குறைந்தபோதும் நுகர்வோருக்கு இந்த சலுகைகள் சென்றடையாததால், இந்திய ரிசர்வ் வங்கி, பிற வங்கிகள் தங்கள் கடன் விகிதத்தை ரெபோ விகிதத்துடன் இணைக்குமாறு ஆலோசனை கூறியுள்ளது. வங்கித்துறையில் வைப்பு நிதியின் வளர்ச்சி சுருங்கி வருகிறது. மற்ற விதமான சேமிப்புக்கள் அதிகரிப்பதால் வங்கித்துறை வித்தியாசமான சூழலில் உள்ளது.

ஆகஸ்டு மாதம் கடைசி வாரத்திலிருந்து அரசும் பல்வேறு மீட்பு நடவடிக்கைகளை எடுத்து வருகிறது. 10 வங்கிகள் ரூ.50,000 கோடி புதிய முதலீட்டில் இணைந்துள்ளன, வெளிநாட்டு போர்ட்ஃபோலியோ முதலீட்டாளர்களின் வரியின் மீதான் சர்சார்ஜ் திரும்பப் பெறப்பட்டுள்ளது, ஆட்டோமொபைல் துறையைப் பொறுத்தவரை சிறப்பு நடவடிக்கைகள் எடுக்கப்பட்டுள்ளன (2020ஆம் ஆண்டு மார்ச் மாதம் இறுதிவரை வணிக வாகனங்கள் வாங்குவதற்கு கூடுதல் தேய்மானமாக 15 சதவீத புள்ளிகள் அளிக்கப்பட்டுள்ளன), வீட்டுவசதி மற்றும் ஏற்றுமதித் துறைகள், 400 மாவட்டங்களில் கடன் திருவிழா, பெருநிறுவன வரி விகிதங்கள் 30%லிருந்து 22%ஆக குறைக்கப்பட்டுள்ளன. மேலும் பல நடவடிக்கைகள் எதிர்பார்க்கப்படுகின்றன.

இவை அனைத்தும் சிறிய நடவடிக்கைகள். எப்போதும் இல்லாத அளவிற்கு மந்த நிலையின் பிடியில் பொருளாதாரம் உள்ளது. இதற்கு வடிவமைப்பு மற்றும் சுழற்சியான காரணங்கள் உள்ளன. தற்போது தேவைப்படுவது பேரிண பொருளாதார கொள்கைகளில் மாபெரும் மாற்றங்கள் வேண்டும். விரிவாக்க ஊக்குவிப்பு நடவடிக்கைகளுக்கு சாதகமாக நிதி மற்றும் பணம் சார்ந்த நடவடிக்கைகள் எடுக்கப்பட வேண்டும். கிராமப்புறத் துறைகளில் நுகர்வு மற்றும் முதலீட்டிற்கு விரிவான நிதி கொள்கைகள் உத்வேகம் அளிப்பது தற்போதைய காலத்தின் தேவை. வரி வருவாய் தேய்ந்து வருவதற்கான சாத்தியங்கள் உள்ள சூழலில், பொருளாதாரத்தை மீட்க பொது செலவினைங்களை அதிகரிப்பது மாபெரும் சவால். ஆனால் நிதி ஸ்திரத் தன்மைக்கான கொள்கை வடிவமைப்பில் இது புதிய பார்வையை கோருகிறது.

Comments

(-) Hide

EPW looks forward to your comments. Please note that comments are moderated as per our comments policy. They may take some time to appear. A comment, if suitable, may be selected for publication in the Letters pages of EPW.

Back to Top