ISSN (Print) - 0012-9976 | ISSN (Online) - 2349-8846

‘ப்ரிக்ஸ்’ அமைப்பில் தகர்ந்து வரும் பிணைப்பு

குழப்பமான புவிபொருளாதார கருத்தியலை மறைப்பதற்காக அதிகம் புகழப்பட்ட தலைப்பெழுத்துச்சொல்லா ‘ப்ரிக்ஸ்’?

 

The translations of EPW Editorials have been made possible by a generous grant from the H T Parekh Foundation, Mumbai. The translations of English-language Editorials into other languages spoken in India is an attempt to engage with a wider, more diverse audience. In case of any discrepancy in the translation, the English-language original will prevail.

வரவிருக்கும் 11ஆவது ‘ப்ரிக்ஸ்’ (பிரேசில், ரஷ்யா, இந்தியா, சீனா மற்றும் தென் ஆப்பிரிக்கா) உச்சிமாநாட்டை நவம்பர் மாதம் நடத்துவதற்காகவும் அதன் நிகழ்ச்சிநிரல் குறித்து விவாதிக்கவும் 2019 ஜூலை 28ஆம் நாளன்று, ரியோ டி ஜெனரியோவில் அமைச்சர்கள் அளவிலான கூட்டம் நடைபெற்றது. வெனிசுலா நெருக்கடி குறித்த தீர்மான விவகாரத்தில் இதன் உறுப்பு நாடுகள் ஒரே கருத்தொற்றுமையைக் கடைப்பிடிக்கவில்லை. விரிவாகும் உலகளாவிய கூட்டுறவு சகாப்தத்தை முடிவுக்குக் கொண்டுவரும் குறிப்பை இந்தக் கருத்துவேறுபாடு வெளிப்படுத்தியது. இருப்பினும் அறிவியல் மற்றும் தொழில்நுட்பம், புதியக் கண்டுபிடிப்புகள், டிஜிட்டல் பொருளாதாரம், பண மோசடி, பயங்கரவாதத்திற்கு எதிராகப் போரிடுதல் போன்ற விவகாரங்களில் ஒத்துழைப்பை ஏற்படுத்தவும் இது தொடர்பான பேச்சுவார்த்தைகளுக்கான தேவையை உணர்வதிலும் முதற்கட்டமாக உறுப்பு நாடுகள் ஒற்றுமையாகவே இருந்தன. இருப்பினும் இந்தக் கருத்தொற்றுமை ப்ரிக்சின் வளர்ச்சி குறித்த நம்பிக்கைக்கு புத்துயிர் ஊட்டுமா, தனது சொந்த நிறுவனங்களின் மூலம் ஒரு வளர்ந்த சக்தியாக ‘ப்ரிக்ஸ்’ உருவாகுமா என்பதைப் பொறுத்திருந்துதான் பார்க்க வேண்டும்.

உலகின் மிகவும் முக்கியமான வளரும் பொருளாதாரங்களை இணைப்பது என்ற கருத்தியல் ரீதியான பயன்பாட்டுடன், இந்தக் குழுவில் உள்ள நாடுகளின் செயல்திறனும் ஸ்திரமற்றதாகவே உள்ளது. இதற்கு அவற்றின் நிதி சார்ந்த அரசியல் ரீதியான எதார்த்த நிலைமைகள் காரணம். தற்போதைய பிரேசில் அதிபர் ஜெய்ர் போல்சனாரோவின் ஆட்சிக்காலத்தின்போது வெளியுறவுக்கொள்கை முன்னுரிமைகளில் மாற்றம் ஏற்பட்டதுதான் இந்த ஆண்டின் குழப்பத்திற்குக் காரணம். கடந்த பத்தரை ஆண்டுகளாக பிரேசிலின் வெளியுறவுக் கொள்கைகள் பல்துருவ உலகக் கோட்பாட்டை ஏற்றுக்கொண்டதாகவே இருந்தன. இந்த பல்முனை சக்தியில் சமமாக்கும் சக்தியாக பிரேசில் இருந்துள்ளது. பிரேசிலின் இத்தகு சமநிலை இடத்தை போல்சனாரோவின் முந்தைய ஆட்சியாளர்கள் முக்கியமாகக் கருதினார்கள். தெற்கு - தெற்கு ஒத்துழைப்பு என்ற கருத்தியலுடன் பல்துருவக் கோட்பாட்டைக் கோரினார்கள். ஆனால் தற்போதைய வெளியுறவுக்கொள்கை வெளிப்படையாக இந்தப் பல்துருவக் கோட்பாட்டை மறுத்துள்ளது. குறிப்பாக மேற்கத்திய நாடுகளின் சார்பாக, அதிலும் குறிப்பாக அமெரிக்காவிற்கு ஆதரவாக செயல்படுகிறது. எந்தவிதமான உலகளாவிய இலட்சியங்களும் இல்லாமல் அல்லது கட்டுப்படுத்தப்பட்ட இலட்சியங்களுடன் இந்த வெளியுறவுக்கொள்கை அமைந்துள்ளது. புலம்பெயர்தல் குறித்து தற்போது கையொப்பமிடப்பட்ட சர்வதேச ஒப்பந்தத்திலிருந்து விலகிக்கொண்டது, பத்து ஆண்டுகளுக்கும் மேலாக வர்த்தக பங்குதாரராக இருந்த சீனாவுடன் இருந்த வெளியுறவுக் கொள்கையை முற்றிலுமாக மாற்றிக்கொண்டது, வெனிசுலாவில் நிகோலாஸ் மடுரோவின் ஆட்சியைக் கவிழ்ப்பதில் அமெரிக்காவின் அரசியல், இராணுவ குறுக்கீட்டை நம்புவது என்று பல்வேறு விவகாரங்களில் ‘ப்ரிக்ஸ்’ அமைப்பின் பலவீனமான கண்ணியாக பிரேசில் மாறியுள்ளதுபோல் தெரிகிறது.

2008-2009ஆம் ஆண்டின் உலகளாவிய நிதி நெருக்கடியிலிருந்து ஒரு குறிப்பிட்ட கருத்து, குறிப்பாக பொருளாதார நோக்கில், ‘ப்ரிக்ஸ்’ என்கிற கருத்தியல் காலத்திற்கு ஒவ்வாதது என்கிற கருத்து தலைதூக்கிவருகிறது. இதற்கு மிக முக்கியக் காரணம் அமெரிக்கா. இதற்கு மற்றொரு முக்கிய காரணம் ‘ப்ரிக்ஸ்’ உறுப்பு நாடுகளின் ஊசலாடும் மொத்த உள்நாட்டு உற்பத்தியின் (ஜிடிபி) வளர்ச்சி விகிதமாகும். குறிப்பாக சீனாவின் வளர்ச்சி விகிதமானது இரட்டை இலக்கத்திலிருந்து சறுக்கி 7 சதவீதம் அல்லது அதற்கும் குறைவாக உள்ளதாகும். ஆனால் இந்த மதிப்பீடுகள் கோல்டுமேன் சாக்ஸ் அளித்த மதிப்பீடுகளிலிருந்து முற்றிலும் வேறுபடுகிறது. கோல்டுமேன் சாக்ஸ்தான் பிரிக்ஸ் என்ற தலைப்பெழுத்துச்சொல்லை உருவாக்கியவர். 2000களிலிருந்து உலகளாவிய பொருளாதார வளர்ச்சியின் இயக்குபொறியாக ‘ப்ரிக்ஸ்’ திகழப்போகிறது என்று கூறியவர். 2015ஆம் ஆண்டில் கோல்டுமேன் சாக்ஸ் பிரிக்ஸ் நிதியத்தை, உலகளாவிய பொது சந்தை நிதியமாக மாற்றினார். ஏனெனில் 2010ஆம் ஆண்டு அநேகமாக இதன் சொத்துக்களில் 88 சதவீதம் இழப்பு ஏற்பட்டது என்ற அடிப்படையில் இந்த மாற்றம் நிகழ்ந்தது. 2015ஆம் ஆண்டு செப்டம்பர் மாதம் அமெரிக்க பங்கு மற்றும் பரிவர்த்தனை ஆணையம் பதிவு செய்தபடி, இந்த முதலீட்டு நிறுவனம் தன்னிடம் இருக்கும் நிதியத்தை வெளிநாடுகளில் வளர்ந்துவரும் சந்தைகளில் வெவ்வேறு விதமாக முதலீடு செய்வதாக அறிவித்தது. இத்தகைய நம்பிகையின்மையை தள்ளிவைத்து, 2014ஆம் ஆண்டு ஒரு புதிய வளர்ச்சி வங்கி உருவாகியது. பாரம்பரிய உலகளாவிய நிர்வாகக் கட்டமைப்பில் போதிய பிரதிநிதித்துவம் இல்லை என்று ‘ப்ரிக்ஸ்’ நாடுகள் கருதியதால் இந்த வங்கி உருவாக்கப்பட்டது.

எந்தவிதமான பங்கிடப்பட்ட கருத்தியல், அரசியல் கட்டமைப்பு அல்லது கலாச்சாரமும் இல்லாமல் - போதிய பிரதிநிதித்துவம் இல்லை என்று பொதுவான குறை பற்றி ஒருவர் விவாதித்தால் ‘ப்ரிக்சை’ ஒரு குழுமமாகக் கருத முடியாது. இந்தக் குழுமத்தின் வாழ்நாள் இதன் அவநம்பிக்கையின் காலத்தைப் பொறுத்து மாறுபடும் என்பதையும் ஒருவர் மறுக்க முடியாது. இந்தக் கோணத்தில் பார்த்தால், அமெரிக்காவுடன் பிரேசில் உறவாடுவது ‘ப்ரிக்சின்’ நீடிப்புதன்மைக்கு அச்சுறுத்தல் ஏற்படுத்தும். இதைப்போலவே புவிஅரசியலில் ஐ.நா. சபை கேந்திரமான பங்கு வகிப்பதை வலுப்படுத்தவேண்டும் என்று ரஷ்யா முயற்சிப்பதும் பிரிக்ஸ் அமைப்பை பலவீனப்படுத்தும். இந்த இரண்டு விவகாரங்களிலும் உயர் மட்ட அழுத்தம் காரணமாக சிலரை மகிழ்விக்கும் பொருட்டு கொள்கைகள் உருவாகும். இவ்வாறு செய்வதால் ‘ப்ரிக்ஸ்’ மற்றும் அது தொடர்பான புதிய வளர்ச்சி வங்கி போன்ற நிறுவனங்களின் தன்னாட்சித் தன்மையை சமரசத்திற்கு உள்ளாக்க வேண்டியிருக்கும். உயர்மட்டத்தில் உள்ள அரசியல் தலைவர்கள் தலைகீழாகக் கொள்கை முடிவுகளை எடுத்தால் ஒருவரை ஒருவர் சார்ந்து பிரச்சினையை தீர்ப்பது மூலம் கொள்கை ஊடுருவலை அடையாளம் காண முடியும். பொருளாதார கொள்கை சீர்திருத்தங்களின் முக்கிய வழிகாட்டியாக சமரசம் காண்பவர்களாக இவர்கள் இருக்க முடியாது.

அதே சமயம் ‘ப்ரிக்ஸ்’ அமைப்பை ஒரு குழுமமாக விவாதிக்கும் போது, அந்த அமைப்பிற்குள் பொருளாதார ரீதியான வேறுபாட்டின் தாக்கங்களை புறந்தள்ள முடியாது. உண்மையில் இந்த குழுமத்திற்குள் உள்ள பொருளாதார வேறுபாடு. உறுப்பினர்களுக்குள் கருத்து வேறுபாடு ஏற்படவும் ‘ப்ரிக்ஸ்’ நிறுவனங்களில் ஒவ்வொருவருக்கும் தனிப் பிரதிநிதித்துவம் கிடைப்பதில் சச்சரவு ஏற்படவும் போதுமான இடம் அளிக்கிறது. எடுத்துக்காட்டாக, தன்னுடைய நிதி உபரியைக் கொண்டு புதிய வளர்ச்சி வங்கியின் அவசரகால தொகுப்பு நிதிக்கு ஐந்தில் இரண்டு பங்கு நிதியை, அதாவது 100 பில்லியன் டாலர்கள் அளிக்க சீனா உறுதி கூறியிருந்தது. அவ்வாறு செய்வதால் காலப்போக்கில் இந்த வங்கியின் மீது ஆதிக்கம் செலுத்த இது முயலும். அல்லது ‘ப்ரிக்ஸ்’ நாடுகள் மத்தியிலும் பின்னர் வளரும் உலகிலும் யுவான் ஆதிக்கம் செலுத்தும் வர்த்தகத்தை ஊக்குவிப்பதற்கான சந்தர்ப்பங்களை அது நோக்கும்.

ப்ரிக்சை ஒரு குழுமமாகக் கருதுவதில் இத்தகைய கருத்துவேறுபாடுகள் இருக்கும்போது, தலைப்பெழுத்துச் சொல்லிலும் இந்தக் கருத்தியல் சிக்கிக்கொண்டுள்ளது என்று நாம் சொல்ல முடியாதா? காலாவதியாகிப்போன “பன்னாட்டுவாதம்” என்னும் வார்த்தை ஜாலத்தை நாம் கடக்க முடியாதா?

Comments

(-) Hide

EPW looks forward to your comments. Please note that comments are moderated as per our comments policy. They may take some time to appear. A comment, if suitable, may be selected for publication in the Letters pages of EPW.

Back to Top