ISSN (Print) - 0012-9976 | ISSN (Online) - 2349-8846

ஆசிரியரின் மேசையிலிருந்து

..

The translations of EPW Editorials have been made possible by a generous grant from the H T Parekh Foundation, Mumbai. The translations of English-language Editorials into other languages spoken in India is an attempt to engage with a wider, more diverse audience. In case of any discrepancy in the translation, the English-language original will prevail.

 

எகானாமிக் அன்ட் பொலிட்டிகல் வீக்லி (இ.பி.டபுள்யு) உடனிணைந்து அதன் ஆசிரியராக பணியாற்றுவது என்பது உள்ளபடியே பெரும் கெளரவத்திற்குரிய விஷயம். அதிலும் தீவிரமான இதழ் என்ற பெருமையை அது முழுமையாகவே அடைந்துவிட்ட நிலையில் அது மேலும் கெளரவரத்திற்குரியது. மேலும் இ.பி.டபிள்யு. குழுவினரின் அறிவார்ந்த கடும் உழைப்பு, அர்பணிப்பு, அக்கறை, மற்றும் எந்த பிரதிபலனும் பாராமல் தாங்கள் செய்யும் பணியின் மீதுள்ள காதலாலேயே அதைச் செய்யும் இ.பி.டபிள்யு. சமூகத்தினர் இன்று இ.பி.டபிள்யு அடைந்திருக்கும் நிலையை அடைய உதவியிருக்கிறார்கள். ஆகவே, ஆசிரியராக இ.பி.டபிள்யு.வுடன் முறைப்படியாக இணைந்து பணியாற்றுவது என்பது பெரும் பொறுப்பு கொண்ட பணி. பல்வேறுபட்ட மற்றும் மாறுபட்டகருத்துக்களை வெளிப்படுத்தும் வெளியாக இருப்பது, பல்வேறு அரசியல் கருத்துக்களின் வெளிப்பாடுகள், பொருளாதார மாற்றங்கள் ஆகியவற்றிகிடையிலான சிக்கலான உறவுகளுடன் உள்ளூர் மற்றும் உலகளாவிய பின்னணியை புரிந்துகொள்வதற்கு மிகவும் அவசியமான சிந்தனைகளின் பரப்பாக இருப்பது இ.பி.டபிள்யு. பல்வேறு பக்கங்களிலிருந்து தன்னை நோக்கி பாய்ந்துவரும் விமர்சனபூர்வமான சிந்தனைகளை மற்றும் மக்களின் புரட்சிகர நடைமுறைகளை திரட்டுவது, கருத்துக்களை வடிகட்டுவது என்பது இ.பி.டபிள்யு.வின் தனித்துவமான பாரம்பரியமாக இருக்கிறது.

இந்த இதழை திறந்தவெளி பல்கலைக்கழகமாக ஒருவர் பார்ப்பது என்பது பொருத்தமான மிகைப்படுத்தலே. தனது குறிப்பிட்ட பார்வையை இ.பி.டபிள்யு திணிப்பதில்லை. மாறாக, அது ஒவ்வொரு மனித உயிருக்கும் சமமான மதிப்பை வழங்க முயலும் பொதுவான தேவையில் குவிமையம் கொள்ளும் பல்வேறு நிலைபாடுகளை மதிக்கிறது. ஆகவே, இ.பி.டபிள்யு.வின் பக்கங்கள் சாராம்சத்தில் விவாதங்களில் ஈடுபடுபவை, கருத்துக்களை வெளிப்படுத்துவதில் விமர்சனபூர்வமானவை. தேச, சர்வதேச அளவில் முக்கியத்துவம் வாய்ந்த பல முக்கியமான பிரச்னைகளைப் பற்றிய விவாதங்கள் இந்தப் பக்கங்களில் நிரம்பியிருக்கின்றன.

இ.பி.டபிள்யு.வின் பங்கு என்பது, அதிலும் குறிப்பாக இன்றைய சூழலில், பொருளாதாரம், அரசியல் ஆகிய இரண்டின் இயல்பு மாறிக்கொண்டிருக்கும் சூழலில் மிகுந்த முக்கியத்துவம் பெறுகிறது. இன்று ஆதிக்கம் செலுத்தும் அரசியல் வெளிப்பாடு வெற்று ஆரவாரப் பேச்சுகள் நிறைந்தாகத் தோன்றுகிறது. இதன் விளைவாக ஒரு தோற்றமயக்கத்தை உருவாக்குவதற்கு வெற்று வாக்குறுதிகளை மீண்டும் மீண்டும் தரும், அதை சரளமாகச் சொல்லும் திறன் கொண்ட தலைவரின் தேவையிருக்கிறது. ஆதிக்கம் நிறைந்த அரசியல் சக்திகளினுடைய இரண்டு இலக்குகளுக்கு இது உதவுகிறது: முறைபடியாக அரசியல் அதிகாரத்திலிருப்பது மற்றும் தங்களது அந்த அதிகாரத்தை தங்களது சமூக ஆதிக்கத்தை நீடிக்கச்செய்வதற்கு பயன்படுத்துவது.

ஆளும் அரசியல்தரப்பின் கருத்துக்களுக்கு எதிரான அரசியல் கருத்துக்கள் உள்ளூர சிதறுண்டவையாக மட்டுமில்லாமல் வெளியுலகில் டிவிட்டர், வலைப்பூர்கள், வாட்ஸப் ஆகிய மேடைகளில் நெருக்குதலுக்கு உள்ளாலும் அபாயத்தையும் தொடர்ந்து எதிர்கொண்டுள்ளது. இன்றைய சிந்தனை நெருக்குதல் என்பது உடனடியாக ஒருவர் தனது சுயத்தை அல்லது புரட்சிர சுயத்தை அரசியல் சரிநிலைகள் மூலம் திருப்தி செய்வதாகும். அரசியல் நிறமாலையின் மறுபுறுத்தில், குறிப்பாக பிற்போக்கான சுயத்தின் விஷயத்தில், தானே செய்வதுபோல் உணரும் தூண்டலை தயார்நிலையில் அளிக்கிறது. ஆயினும் வலதுசாரி அரசியலை பிரதிநிதித்துவம் செய்யும் இத்தகைய நெருக்குதலுக்கு உள்ளான சிந்தனை, வலைப்பூக்கள் அல்லது டிவிட்டர் மேடைகள் வழியே வெளிப்படுத்தப்படும் தீமையான, போலியான உள்ளடக்கத்தை பெற்றுள்ளன.

இத்தகைய ‘’இரண்டு நிமிட மேகி நூடுல்ஸ்’’ வகைப்பட்ட சிந்தனையானது மாற்றத்தைக் கொண்டுவரும் சிந்தனையை அகற்றிவிட்டு விரைவு சிந்தனையால் அந்த இடத்தை நிரப்பப் பார்க்கிறது. தீவிர சிந்தனைக்கான இதுபோன்ற குறுக்குவழி அறிகுறிகள்தானே தவிர ஆழமான நெருக்கடியின் மூலம் அல்ல. தனித்து சிந்திக்கும் மக்களது சுதந்திரத்தை இந்த விரைவு சிந்தனை தனது தடையுண்டாக்கும் தர்க்கத்தின் மூலம் வலுவான பிடியைக் கொண்டுள்ளது. ஆசை மற்றும் சமூக நிர்பந்தத்தின் காரணமாக ‘’சரியான பக்கம்’’ இருக்க வேண்டியதன் காரணமாக கட்டமைக்கப்படும் ‘’முற்போக்கு சுயமானது’’ அரசியல்ரீதியான உணர்வைப் பெறுவதை விட அரசியல் சரிநிலையில் இருப்பதன் அவசியத்தினாலேயே அதிகம் உந்தப்படுகிறது. ஆக அரசியல் சரிநிலையில் இருப்பதன் அவசியமே எதிராளிகளுடன் ‘’வெற்று வார்த்தைகள் விளையாட்டில்’’ அல்லது மொழி விளையாட்டில் ஈடுபடுவதற்கான அடிப்படையை அளிக்கிறது.

இதைத் தவிர்த்து, மாற்றத்தைக் கொண்டுவருவதற்கான சிந்தனையின் நெருக்கடியானது மொழி விளையாட்டின் சடங்குகளால் சிக்கலாக்கப்படுகிறது. சமகாலத்தில், ஆதிக்கம் செலுத்தும் அரசியல் கருத்தை பிரதிநிதித்துவபடுத்துபவர்கள் மற்றும் அதற்கு எதிர்கருத்தை வெளிப்படுத்துபவர்கள் பங்குபெறும் பரிமாற்றமானது இந்த இடைவினையையே வெறும் சடங்காக்கி விடுகிறது. உதாரணமாக, தனது தோல்வியை மறைக்க இந்த அரசாங்கமானது ‘’தேச விரோதி’’ அல்லது ‘’போலி மதச்சார்பின்மைவாதி’’ போன்ற கையிருப்பிலுள்ள பதங்களை பயன்படுத்துகிறது. இதற்கு எதிரான அரசியல் கருத்துகளை வெளிப்படுத்துபவர்கள் நகைமுரணுடன் இதே பதங்களை பயன்படுத்தியே அரசின் பதங்களை மறுக்கின்றனர். இத்தகைய பதங்களின் தலைகீழாக்கமே தீவிர மாற்றத்தைக் கோருபவர்களின் வழக்கமான பதிலாக இருக்கிறது.

இ.பி.டபிள்யு. ஒரு திறந்த புத்தகம். தீவிர மாற்றத்தைக் கோருபவர்கள் ஒரு சிலர் ஒன்றாக சேர்ந்து, போராட்டங்களில் ஈடுபட்டுள்ள பல்வேறு குழுக்களின் சார்பில் பேசுவதற்கான மற்றும் அதன் மூலம் தங்களது அரசியல் சரிநிலையை நிரூபிக்க முயலும் மேல்தட்டு குழுக்களின் முகாம் அல்ல இ.பி.டபிள்யு. வேறு மாதிரியாகச் சொன்னால், ஒரே மாதிரியான சுயத்தைக் கொண்டவர்களின் கூட்டு, அதாவது ஒருவருடனொருவர் ஒத்துப்போகும், ஒருவருக்கொருவர் பாரட்டிக்கொள்ளும் மொழியில் எழுதும், அத்தகைய எழுத்தே ஒரே இலட்சியவாத எழுத்து என்று கருதும் அறிவுஜீவிகள், அறிஞர்கள், செயற்பாட்டார்கள், சமூக ஆர்வலர்கள் ஆகியோரைக் கொண்ட குழு அல்ல இ.பி.டபிள்யு. தீவிர மாற்றத்தைக் கோருபவர்களின் கருத்து வெளிப்பாட்டை பின்வருமாறு சுருக்கமாக கூறலாம்: ‘’நமக்கு அனைவருக்கும் தெரிந்ததைப் போல்.’’ இத்தகையவர்களிடம் விடுதலைக்கான அரசியல் என்பது பொதுமக்கள் பங்கேற்கும் திட்டமாக இருப்பதில்லை.

கவனமாக பாதுகாக்கப்படும் வலைப்பூவாக இல்லாமல் திறந்த புத்தகமாக இ.பி.டபிள்யு நம்புவது என்னவெனில் விமர்சனபூர்வமான அறிவார்ந்த பார்வைகள் பல்வேறு நிலைபாடுகளிலிருந்து எழ முடியும் என்பதே. அந்த நிலைபாட்டைக் கொண்டிருப்பவரின் இடத்தைப் பொறுத்து அந்த நிலைபாட்டின் தன்மை அமையும். மேலும், விமர்சனபூர்வமான அறிவார்ந்த பார்வைகளுக்கு நிரந்தர முகவரி ஏதுமில்லை என்றும், அவை தளைகளிலிருந்து விடுவிப்பதற்கான போராட்டங்கள் நடக்கும் அனைத்து களங்களிலிருந்தும் இ.பி.டபிள்யு-விற்கு வருகின்றன என்றும் இ.பி.டபிள்யு நம்புகிறது. விமர்சனபூர்வமான அறிவார்ந்த பார்வைகளை ஜனநாயகப்படுத்தும் தனித்துவமான நிலையிலும், அதன் காரணமாகவே மாற்றத்தைக்கொண்டுவரும் சக்தி கொண்ட சிந்தனைகளை ஜனநாயகபடுத்தும் நிலையிலும் இந்த இதழ் இருக்கிறது. இது இதழின் உள்ளடக்கத்திலும் பல்வேறு குழுக்களிடையே பாலங்களை அமைப்பதன் மூலம் தீவிரமான சிந்தனையை ஜனநாயகப்படுத்தும் சமத்துவ உணர்வு கொண்ட உள்ளக்கிடக்கையிலும் வெளிப்படுகிறது. மாற்றத்தைக் கொண்டுவரும் சக்தி கொண்ட சிந்தனையை அனைவருக்குமானதாக ஆக்குவதில் இ.பி.டபிள்யு-வின் எலெக்ட்ரானிக் வடிவமும் மற்றும் மொழியாக்கத் திட்டமும் முக்கிய பங்காற்றுகின்றன.

மனித விடுதலையை பொதுமக்களின் திட்டமாக மாற்றும் இ.பி.டபிள்யு-வின் முயற்சியில் ஒவ்வொருவரும் பங்கேற்க மிகுந்த அக்கறையுடன் வேண்டுகிறேன்.

கோபால் குரு

மும்பை

Comments

(-) Hide

EPW looks forward to your comments. Please note that comments are moderated as per our comments policy. They may take some time to appear. A comment, if suitable, may be selected for publication in the Letters pages of EPW.

Back to Top