રાષ્ટ્રીયતાની વરણી

યુરોપમાં, “રાષ્ટ્રીયતાનો પ્રશ્ન” લગભગ ઉકેલાય ચુકેલો મુદ્દો જ ગણવામાં આવે છે. ખાસ કરીને યુરોપના દેશોની જુના જમાનાની વસાહતો અને પેટા વસાહતો જ્યાં હતી તે દેશોમાં આ મુદ્દો હજી પણ આંતરવિગ્રહ અને હિંસા નું કારણ છે અને આંતરરાષ્ટ્રીય મીડિયામાં આને જે તે દેશોના પછાતપણાના પ્રમાણ રૂપે  રજુ કરવામાં આવે છે.કેટેલોનિયામાં બનેલ હાલની ઘટનાઓએ આ ભ્રમને તોડી નાંખ્યો છે.

સ્પેનની સંવૈધાનિક કોર્ટ અને મધ્યસ્થ સરકારના આદેશોનું ખુલ્લેઆમ ઉલ્લંઘન કરીને ૧લી ઓક્ટોબર ૨૦૧૭ના રોજ કેટેલોનિયાએ એના લોકો અલગ રાજ્યનો દરજો ઇચ્છે છે કે કેમ તે જાણવા માટે જનમત લીધો. આને કારણે તરતજ હિંસા ફેલાઈ. તેમછતાં જ્યારે મોટી સંખ્યામાં લોકો તેમનો મત આપવા માટે બહાર આવ્યા ત્યારે પોલીસ તોફાનો રોકવા માટેના પોશાકમાં સજ્જ થઇ લોકો પર તૂટી પડી અને અનેક લોકો ઘાયલ થયા. આમછતાં, ૪૨.૩% વોટ પડ્યા અને તેમાંથી ૯૦.૯% વોટ સ્વતંત્રતાના પક્ષમાં પડ્યા. જોકે કેટેલોનિયામાં એવા પણ લોકો છે કે જે સ્વતંત્રતાના વિરોધમાં હોય અને તેઓએ આ જનમતનો બહિષ્કાર કર્યો હતો. છતાં કેટેલન રાષ્ટ્રવાદ માટે આ એક નૈતિક જીત છે, જયારે સ્પેનીશ રાજ્ય તેના દ્વારા આચરાયેલ હિંસાને કારણે ઉઘાડું પડી ગયું હતું. નાગરિક અસહકારની પાછળનો તર્ક સરકારને શરમજનક સ્થિતિમાં મુકવાનો છે જેને વસાહત વિરોધી રાષ્ટ્રવાદો દ્વારા ભૂતકાળમાં સફળતાપૂર્વક અપનાવવામાં આવ્યો હતો. યુરોપિયન રાજ્યો તેમની પોતાની મરી પરવાયેલી રાજાશાહીઓને છાવરવા માટે બધું કરી છુટશે.